Oeëtrooping Preensepaar Luueke

06-02-2022

	Op zoondig 06 februari j.l. zeen in zaal Jonas
	Mees Heijman & Fleur Berkenbosch
	oeëtgeroope tot ut Jeugdpreensepaar van VV De Zweeloeere op Luueke.
	Jeugdpreens Mees 1e Leef Zweeloeëre en Zweeloeërinnekes, Heej bin ich dan, eure Jeugdpreens Mees d’n ieërste! Miene droum és uutgekaome! Ich loog lekker in bad nao unne zwaore voetbâlwédstriêd wi-j de duuërbel ging. Oeës mam reep: ‘’Mees, d’r és bezeuk vör uch. Komtj és gâw nao ónger’’. Wi-j ich ónger kwaom stoonge d’r drej dames inne kamer, di-j zachte dét ze un verassing vör mich haaje. Ut deurdje effekus vuuër ut kwartje veel. Ich waer de nowwe Jeugdpreens van de Zweeloeëre! Ich bin Mees Heijman, 11 jaor en in Helmundj zoog ich al ut vastelaovendjleecht beej mien geboeërte. Ich woeën al bienao elluf jaor oppe Belle van Zuylenhof same mét mien Pap Willy, mam Ellis en miene broor Juul. Vae hebbe unne vastelaovendj Tekkel Teun en twieë cavia’s Plukkie en Lucky. Ich zit in groep 8a beej meîster Mark en meîster Xander.. Mien hobby’s zeen voetbâlle beej DESM, kickbôkse en boete spuuële mét vreendje. Daonaeve vîng ich ut leuk um te game, mér vastelaovendj és mien groeëtste hobby! Ich zoeëj dét ut hieële jaor kinne daon. Ich wil edereîn unne gooje vastelaovendj weense! Ich zegk ALAAF en gaef noow ut woeërt aan mien Jeugdpreenses Fleur.
	Jeugdprinses Fleur Dânke Jeugdpreens Mees d’n ieërste, Ut hoeëge woeërd moog d’r uut! Nao mieër as hóngerd daâg mien geheim te hebbe bewaartj moog ich noow eindelik zegke det ich de now Jeugdpreenses van de Zweeloeëre bin! Nao un jaor geîne vastelaovendj vieëre bin ich kei-j gruuëts dét ich bin gekoeëze doeër de jeugdcommissie. Ich wil mich effekus aan uch vuuërstelle, ich bin Fleur Berkenbosch en bin tieën jaor aod. Ich zit in groep zieëve van IKC luuëke. Ich woeën naeve bakkerij moeëne aan de veurstestraot, ich heb dus altiêd vörse mik. Ich woeën same mét miene broor Bram, dae hultj auch van vastelaovendj vieëre. Ich heb twieë mama’s Babs en Marja, di-j zeen vreuger auch Jeugdprinses gewaesj in Neunen en Ospel. Ich vîng ut sjiek dét ich de traditie moog voeërt zette. In oeëze tuin stieët un kniênskoeëj mét twieë kniênkes Sproet en Freek. In miene vri-je tiêd zit ich sinds twieë jaor op turnen, daonaeve doon ich aan moderne dâns beej dânsschoeël Fresh. Dânse tiêdes de vastelaovendj és vör mich dus geîn probleem! Auch sierade make en Tiktok dânsjes filme vîng ich leuk. Nao schoeël spuuël ich gaer boête mét vriendinne en vreendje uut mien klas. Ut és bekâns tiêd um same te hosse. Ich heb d’r super vol zin in um same mét uch, Jeugdpreens Mees d’n ieërste en de Jeugdraod de vastelaovendj te gaon vieëre!

	Saame zeen vae de instellers van de Orde van:
	''De swingendje beînkes''
	Ze zulle os vuuergaon ônger eur devies:
	‘’Mét swingendje beîn,
	fieëste vae dit jaor mette wichter allein!’’’

	Fotografie:Germaine fotografie
Trök nao 't nowsoeëverzicht
	Nao alle Preensepaare