Javascript DHTML Drop Down Menu Powered by dhtml-menu-builder.com
Javascript DHTML Drop Down Menu Powered by dhtml-menu-builder.com
zweeloeere
vanpier
Oeëtrooping Preensepaar Luueke
14-01-2018



Op zoondig 14 januari j.l. zeen in unne bomvolle zaal Jonas

  Ruben Slots & Dana Swagten  




oeëtgeroope tot ut Jeugdpreensepaar van VV De Zweeloeere op Luueke.


 

Preens Ruben I Ich bin Ruben Slots en bin 12 jaor aod. Ich bin opgegrujtj op de Muuëlendiêk nummer 9. Dao woeën ich noow nog, same met mien aojers Berto en Marleen. Ouch heb ich twieë breurs, Aaron en Thijs en ein leef zöster Lisa. Verder heb ich noch un hundje Macy.

Ich zit in groep 8 op IKC Luuëke inne klas van meister Wim en juf Linda. Det is best oké.

Nao schoeël zet ich ut leefste geliêk de playstation aan of pak ich miene tablet. Beej good waer spuuël ich ouch gaer boete,dan pak ich mien scateboard of crossfiets en ker ich wat roond op Luuëke.

Dao naeve hockey ich drei-j kieër inne waek in un kei-j sjiek team, de D1 van HV Wieërt.

Verder gaon ich ouch nog eine kieër inne waek nao KravMaga, det is det ich ouche mes un watströk kan verkoupe as det noeëdig es.

Verder haoj ich van un fieësje en van gezelligheid. Dus toen de Zweeloeëre mich kwome vraoge hoofdje ich neet lang nao te dînke. Ut einige waas waal det ich plat mos gaon lieëre kalle.

Mérjêh, det haaj ich d’r waal vör over. Ich verheug mich op alle daâg di-j noch kaome gaon.

Det waor ut waal deenk ich..

Preenses Dana Miene groeëtste wîns is uutgekaome, ich woeëj dit al van kleîns af aan. Ich heb mich drei-j maondj stil motte haoje. Mer nao kan ich ut kei-haard roope. Heej staon ich dan naeve miene preens Ruben d’n ieërste  as prinses Dana!

Nao maodje wieërts te lieëre gieët ut al vreej good,ving ich zelluf.Ich bin Dana Swagten, 12 jaor en zit net as preens Ruben d’n ieërste op IKC Luuëke mér dan in 8B beej meister Bas en juf Suzan.

Same met miene pap Mat Swagten, mam Margit Swagten-Wulms, groeëte zus Zoë en oeës hundje Luna woeëne vae vanaaf December oppe Schuttebeemd 49.

Mien hobby’s zeen voetballe, det daon ich beej de Moësdiêk en game met vrîndje, heej huuërtj ouch miene preens beej.Ich bin kei-j gruuëts det mien femiêlie en dej-jae allemaol zeetj gekaome op oeëze uutroping.

Noow det ich vuuër uch staon as prinses Dana vanne Zweeloeere 2018, Miene preens en ich gaon d’r mét uch allemaol unne kei-j schoeëne vastelaovundj van make!

Heej staon ich dan... Eur prinses Dana!

Saame zeen vae de instellers van de Orde van:

  “Ut gamendj bélke'  

Ze zulle os vuuergaon ônger eur devies:

 

‘’Noow geîn kiepershaose, hockeystick of Playstation veer,

 
  Vae gaon vuuërop innevastelaovundj sfeer!’’  
   


 
Fotografie:Naomi Winters
Trök nao 't nowsoeëverzicht
 
   
 

** m.d.a. E. Keersmaekers

© V.V. De Zweeloeere | A: Friezenstraat 23 6004 BG Weert | E:info@zweeloeere.nl| I: www.zweeloeere.nl |
>