Javascript DHTML Drop Down Menu Powered by dhtml-menu-builder.com
Javascript DHTML Drop Down Menu Powered by dhtml-menu-builder.com
zweeloeere
vanpier

Optocht Luueke

Op vastelaovundj zaoterdig trektj vör völ minse vanzelspraekendj de Femilie-optocht doeer de straote van Luueke. Waat neet eederein wetj es det heej toch un hieel vuurbereiding beej keumptj kieke.
Waeke van te veure keumptj de optochtcommissie beej-ein en gaon ze volgus un drei-jbook kieke waat ze als ieerste motte doon. Dit es zörrege det vae unne optocht mooge haoje op Luueke en daovör mot un vergunning aangevraogdj waere beej de gemeindje. Eeder jaor opnow mot dit gebuuere en as diees dan binne es dan kunne vae verder.
Now beginne vae met ut drökwerrek, o.a. de affiches en de formulieere um in te schrieeve waere gemaaktj en bezörgdj. Borde um de straote aaf te zette waere aangevraogd beej de gemeindje. Nummer bordjes waere gemaaktj. Snuik vör de wichter weurdj al geregeldj, enz. Eeder jaor zeen d'r vurschillendje zjurie-leede, woeevan un paar det al hieël wat jaor doon. Auch diees minse motte weer benaderd en gevraogd waere of ze diees verantwoeerdelikke taak weer op zich wille neeme.
Ongertösse kaome de inschrieefformulieere weer binne beej ut secretariaat en kunne vae al un bitje beginne met ut indaele vanne optocht. D'r waere altieed nog un paar plaatse vreej gehaoje vör minse di-j zich nog vlak vuur d'n optocht inschrieeve.















En dan es ut zoeever vastelaovundj zaoterdig. Smerreges gaon vae al alles in de zaal klaor maake, de straote al aaf zette zoeedet diees vreej zeen van auto's, nummers oppe straot schrieeve zoeedet eederein wetj woeedette zich mot opstelle. Now gauw nao hoees wat aete en dan kunne vae beginne. De nummers waere oetgedaeltj, de snuik weurdj al mi-j gegaeve zoeedet de wichter al wat te knauwele hebbe vuur d'n optocht. Nog effe kort zjury oeeverlegk zoeedet ze allemaol weete woee ze op motte lette en punte vör motte gaeve. En dan klokslaag 14.00 oor is oeteindelik alles klaor, d'n optocht kan beginne zoeedet de minse langs de kantj kunne geniete van völ schoeen creaties en oetbieeldinge van alle deilnemers.
Nao aafloup gieet de zjury in beraod en waere de punte beej elkaar geteldj. Ongertösse staon alle deilnemers in spanning te wachte weem dit jaor weer met de prieeze d'r vandoeer gaon. De winnaar met de mieeste punte keumtj in aanmerking vör de fel begeerdje wisselprieës "Ut Kepperke". Dit bieeldje es jaore gelieeje doeer Cis de Kapper beschikbaar gesteldj vör de vereiniging um as wisselprieës te gebroeeke. As un groep of vereiniging dit bieeldje drei-j kieer op ri-j of vieef kieer in totaal wintj, krieëge ze un schoeen blieevendje herinnering di-j ze mooge haoje. Ut origineel Kepperke blieeftj altieëd vanne vereiniging.















 

Nao de prieësoetreiking es d'r nog unne schoeene hosmiddug vör jonk en aod inne zaal en daonao gieet eederein weer met un good geveul nao hoees um te gaon dînke aan un nôw creatie vör ut volgendj jaor.



WI-J KAOME DE PUNTE VANNE ZJURY TOT STAND?


De optocht vanne Zweeloeere es al jaore un hoeegtepunt vanne Luueker vastelaovundj. Eeder jaor schrieeve völ enthousiaste deilnemers zich in, zoeewaal groeete as klein, op wieeg vör ut felbegieerdje "Kepperke".Ze hebbe zich ingeschreeve as einling/duo, kleine groep,groeete groep of groeete waage. De eine nog mieer uutgedostj as de ânger. Langs de route vanne optocht staon op vurschillendje plekke vurdaeldj un aantal zjuryleede. De zjuryleede gaon, eeder vör zich, de optocht good bekieeke um daonao eur punte heej aan te gaeve. Gae kuntj punte krieege op dri-j ôngerdeile: idee, aafwerking en algemein prisentatie. Eedere deilnemer kan maximaal 10 punte per ôngerdeil krieege per zjurylid. Dus as dei-jae 30 punte van un zjurylid krieegtj kan ut neet baeter. Nao de optocht gieet de zjury in beraod en waere de punte beej elkaar geteldj.
Degene dae dan de hoeegste aantal punte hieet, ongeachtj in welke categorie, wintj de hoeefdpriees oftewaal "Ut Kepperke". Dit schoeen bieeldje mot weer ingelevertj waere eine maondj veurdet de ieerstvolgendje optocht weer plaatsvingt-j. As herinnering krieege ze dan un herinneringsbieeldje. As unne optochtdeilnemer(s) dri-j kieer op ri-j "Ut Kepperke" wintj dan moog of mooge ze "Ut Kepperke" eigenlik haoje, mer ze krieege dan un schoeen blieevendje herinnering umdet ut einige echte Kepperke, dus ut origineel, altieed inne vereiniging mot blieeve.
Auch zeen d'r boeete "Ut Kepperke" nog ânger prieeze vör zoeewaal de 1ste, 2de en 3de prieeze vör alle categorieën.
En tot slot es d'r nog unne priees vör emus dae vör de ieerste kieer mei-j deut namelik de "aanmoedigingspriees".


REGLEMÊNT FEMILIE-OPTOCHT

Regels vör deilname aan de Luueker Vastelaovundjoptocht:

 

1.

2.

3.
-
-
-
-
-
-

4.
-
-
-
-


5.


6.
-
-

-
-

-


7.

8.

De organizâsie és in hang van de kemissie Femilie-optocht van V.V. De Zweeloeere.

Deilname aan de optocht stieët oeëpe vör eederein van Luueke en direkte umgaeving.

Verboeëje zeen:
Aanstoeëtgaevendje en/of kwetsendje ongerwêrpe, tekste, meziek, uutbieëldjinge of gedraginge;
Kommersjele reklaam in welke vôrm dan ouch;
Oeëpe veûr, stânk, völ roük en veurwêrk;
't Strawwe, goeze of wegscheete van spulle, behâlve konfettie en serpentines;
't Metveûre van bieëste;
Acts di-j stilstând of vertraging van d'n optocht tot gevolg hebbe.

Verplichtinge:
De optochtnummers mótte good zichtbaar gedraqe of geplaatsj zeen;
Deilnemers deene te voldoon aan de wettelikke veiligheidseise;
Aanwiêzinge in 't belang van d'n optocht, gegaeve doeër lede van V.V. De Zweeloeere, deene opgevolgdj te waere;
Moterveurtuge di-j in de optocht méjtrekke mótte WA verzieëkerdj zeen.
(Vör alle ânger deilnemers és 't zieër aan te raoje 'n WA-particulier verzieëkering aaf te sloête).

't Boeëvestaondje verboeëjene en verplichdje weurtj doeër de organizâsie op vuuërhând
en auch tiêdes de optocht beoeërdeildj. 't Neet naokaome heejvan kân gevôlge hebbe vör priêze of zelfs leî-je tot onmiddelikke uutsloêting.

Priêze:
Priêze waere vastgesteldj n.a.v. de beoeërdeiling doeër 'ne onaafhankelikke zjurie, samegesteldj doeër de organizâsie;
Priêze zeen d'r in de categorieë einlinge/duo’s, kleine groepe (tot 6 persoene), groeëte groepe (vanaaf 6 persoene) en groeëte waages
Beoeërdeild wuerdj nao idee, aafwerking en algehiële presentatie;
Priêze waere op de priêsuutreiking nao de optocht bekindj gemaaktj; Asj-je ut Kepperke dri-j kieër achterein of viêf kieër in totaal hetj gewonne, kriêgdje un schoeen blieevendje herinnering dej-je moogt haoje;
Tieëge priêze kân neet gereklamieërdj waere, deilnemers légke zich nieër bi-j de beslissing van zjurie en organizâsie.
Uutslage zeenbîngendj.

Deilname aan de optocht és op eige risiko en mét eur deilname vrî-jwaardje de organizâsie,
V.V. De Zweeloeere, van schaaj aan dêrdje.

In alles woeë-in dieës regels neet verzeen beslisj de organizâsie.




Alle deilnemers gaon doeër ongerteikening van 't inschriefformelieër akkoeërd mét dieës regels en bepaolinge.
 

 

Trök nao 't nowsoeëverzicht

 

© V.V. De Zweeloeere | A: Friezenstraat 23 6004 BG Weert | E:info@zweeloeere.nl| I: www.zweeloeere.nl |